تعليقات بعض الأساتذة حول ظاهرة طرد التلميذ من القسم أو من المؤسسة



تعليقات بعض الأساتذة حول ظاهرة طرد التلميذ من القسم أو من المؤسسة؛ظاهرة طرد التلميذ من القسم،أو من المؤسسة التربوية، اصبحت عادة يومية لامعنى لها ،حتى اصبحت للتلميذ ملاذا له كي لا يدرس وأصبح يصتنع الاسباب لكي يطرد.

وهذا ما يؤثر على مستواه الدراسي ومن ثم التسرب المدرسي، ونشاركو حنا كمؤطرين واساتذة ونتحاسبو عليه عندربي .

لماذا لا يحتوى التلميذ ونجعله يحب المؤسسة ويحترم من فيها وبدل من طرده معالجته درسنا حنا بكري مانعرفو الطرد هذا خلاص.

ذرك رجع عادة لي قلقو تلميذ يحاوزو ما ننساوش المؤسسة هذه تبنات على جال باش يقرا هو فيها موش، نحاوزوه ونخلصو عليه.

 ان شالله المشرفين الجدد في الميدان يتعلمو من الزملاء القدامى ،طريقة العمل ويكثرولهم من ليسيمينار حتى يتعلمو العمل على اصوله.

انا في حالة وحدة نخرجو كي يجي روطار ربع ساعة بصح لازم نبعثو مع مسوول القسم،و باه كاش ما يدير و نحاوزو مستحييل والله ما يخرجها باه المرة الجاية كي يجي يدير حاجة لازم يفكر الف مرة باه يديرها و ربي يحييب الخير و يفتح عليا

انا بنتي من الاوائل في الإنجليزية دخلت بعد الاستاذة لانها، كانت في الادارة الاستاذة طردتها وسجلتها غياب ،

هل هادي استاذة مسؤولة وعلى بالها انو التلميذة عاقلة وانو متميزة ،في مادتها ولكن لمن تقرا زابورك يا داود وانا لي اخوة في التعليم ،قالولي أسوأ تصرف تقوم بيه الاستاذة

ولا ننسى بأنَّ القانون واضح ،ممنوع منعا باتا طرد التلميذ مهما كان، ايها القوم من المؤسسة فيه قوانين تطبق عليه.

يمنع اخراج التلميذ وحرمانه من الدراسة الا للضروة القصوى، مرض وعرقلة سير الدرس او التهديد مذكور في مادتين من نظام الجماعة التربوية ،لكن يمكن اخراج التلميذ من القسم والمؤسسة في حالة عدم تقديم مبرر للغياب فقط.

الادارة دبر راسها حسب القانون الداخلي للمؤسسة ما نطردوا ما نحصل فيه بعيد الشر ،كاش مابيه نولي في س وج ومواليهوم يقولونا راكوم تغيروا من اولادنا.

انا ضد هاد الفكرة لانو الاستاذ يساهم بهاد التصرف في التسريب المدرسي ،احنا درسنا بصح الاساتذة ما كانوش يعاملونا هكا والحمد لله مازلنا للان نشهدولهم، بانهم هم الي وصلونا لاعلى المراتب والحمد لله ربي يهدي ما خلق.

يطرد قبل دخوله المؤسسة لانه ممنوع طرد التلميذ و اخراجه من القسم ،واذا فات و دخل دون ملاحظ يجب على الاستاذ اخطار المشرف العام المؤسسة وهو يقوم بإجراءاته قانونيا.

ممنوع الاستاذ يطرد التلميذ من القسم يحرر تقرير ويطلب استدعاء ولي التلميذ، لانه قانونا الاستاذ مسؤول عن التلميذ في القسم و التلميذ عندو حق التمدرس ، وطرد التلميذ من المؤسسة بعد دخوله ممنوع ،تقوم الأستاذ أو الاستشارة بتحرير استدعاء لولي امره ، يمنع من الدخول قبل دخول باب المؤسسة مع الاستدعاء حتى لا تتحمل مسؤوليته.

واش رايك نقضي على أسباب طرده و نجتهد في ذلك ،حتى لا تحصل مثل هذه المواقف.

ليست هناك تعليقات

آخر الموضيع المنشورة